വൈകാരികമായി
സ്ഫോടനാത്മകതയുടെ
പാരമ്യതയിലായിരിക്കുമ്പോഴാവണം,
സീതയെന്ന സ്ത്രീയെ ഭൂമിദേവി
സ്വയം പിളർന്ന്
തന്നിലേക്ക് ആവാഹിച്ചത്.
ഭൌമോപരിതലത്തിൽ വച്ച്
അവൾ
പൊട്ടിത്തെറിച്ചിരുന്നുവെങ്കിൽ
രാജാവും രാജ്യവും സദാചാരവും
എല്ലാം
ചാമ്പലാകുമായിരുന്നുവെന്ന്
ഭൂമിദേവിക്കറിയാമായിരുന്നു.
സീതയെ ഉൾക്കൊണ്ട
നാളു തൊട്ടായിരിക്കണം
ഭൂമിക്കകം ഇത്രമേൽ ചുട്ടുപഴുക്കാൻ തുടങ്ങിയത്.
സീതയുടെ നീറുന്ന നൊമ്പരങ്ങളായിരിക്കണം
അഗ്നിപർവ്വതങ്ങളിൽ നിന്നും ലാവയായി
ബഹിർഗ്ഗമിക്കുന്നത്.
No comments:
Post a Comment